Mazkur maqolada o‘zbek va ingliz nasriy masallarida qo‘llanilgan zooforik idiomalar (faunistik frazeologizmlar)ning semantik-stilistik xususiyatlari hamda ularning lingvokulturologik tabiati chog‘ishtirma-qiyosiy aspektda tadqiq etilgan. Masal janrining allegorik tabiatidan kelib chiqib, matn tarkibidagi hayvon nomlari ishtirok etgan iboralarning ko‘chma ma’nolari, ekspressivlik darajasi va milliy-madaniy kodlarni ifodalash imkoniyatlari yoritilgan. Tadqiqotda komponentli tahlil, chog‘ishtirma va lingvokulturologik metodlardan foydalanildi. Tahlillar shuni ko‘rsatdiki, ingliz va o‘zbek masallaridagi zooforik idiomalar milliy mentalitet, tarixiy-madaniy tajriba hamda xalq dunyoqarashi bilan uzviy bog‘liq bo‘lib, matnda nafaqat didaktik-axloqiy funksiyani, balki kuchli emotsional-baho berish stilistik vazifasini ham bajaradi.