Ushbu tezisda O‘zbekistonda uzoq umr ko‘rishga ta’sir etuvchi ijtimoiy-demografik omillar sotsiologik nuqtayi nazardan tahlil qilinadi. Tadqiqotda umr davomiyligi faqat tibbiy-biologik ko‘rsatkich emas, balki oila instituti, turmush tarzi, ijtimoiy qo‘llab-quvvatlash, hududiy farqlar, gender xususiyatlari, ta’lim, bandlik va ijtimoiy muhit bilan bog‘liq murakkab ijtimoiy hodisa sifatida ko‘rib chiqiladi. O‘zbekiston Milliy statistika qo‘mitasi ma’lumotlariga ko‘ra, mamlakatda o‘rtacha umr ko‘rish davomiyligi 1991-yildagi 66,4 yoshdan 2025-yilda 75,4 yoshga yetgan. Tadqiqot natijalari uzoq umr ko‘rishning barqarorligi sog‘liqni saqlash tizimi, oilaviy g‘amxo‘rlik, mahalla muhiti va ijtimoiy himoya mexanizmlarining o‘zaro uyg‘unligiga bog‘liqligini ko‘rsatadi.