Mazkur tezisda ingliz va o‘zbek biznes muzokaralarida taklif va qarshi taklifning kommunikativ-funksional xususiyatlari qiyosiy-diskursiv nuqtayi nazardan tahlil qilinadi. Taklif muzokara predmetiga muayyan shart yoki yechimni olib kiruvchi kommunikativ harakat sifatida, qarshi taklif esa dastlabki taklifni to‘liq rad etmasdan, uning ayrim parametrlarini o‘zgartirish orqali muqobil variantni ilgari suruvchi harakat sifatida talqin etiladi. Tahlil taklif va qarshi taklif o‘rtasidagi funksional munosabat muzokaraning keyingi yo‘nalishini belgilashda muhim o‘rin tutishini ko‘rsatadi. Ingliz va o‘zbek materiallarida mazkur kommunikativ harakatlarning umumiy funksional jihatlari bilan birga, ularning lisoniy ifodalanishida muayyan farqlar ham kuzatiladi