Ma’lumki, biz yashab turgan olam, bu yorug’ dunyo insoniy munosabatlar bo’stonidir. Bu bo’ston gullab-yashnasa, tasavvurimizdagi jannatga aylansa insoniyat uchun bundan-da ulug’ baxt bo’lmasa kerak. Olamni jannatga aylantirish esa jamiyatni tashkil etuvchi jamiki insonlarning ibratli ishlari, insoniy fazilatlari va ezgu amallari orqali amalga oshadi. Bunday ezgu ishlar, ibrat namunasini barcha insonlarda mavjud deb ham aytib bo’lmaydi. Ba’zilarda namuna sifatida qaysidir jihati yaqqolroq, boshqa tomonlari yashirin tarzda namoyon bo’lishi mumkin. Biroq shunday insonlar ham borki, ulardan har jihatdan ibrat olsa arzigulik tomonlarini yaqqol ko’rish mumkin. O’zining ana shunday serqirra ibratli tomonlarini namoyon eta olgan va boshqalarga ayniqsa, hamkasbi va shogirdlariga singdirishga ulgurgan zullisonayn, o’z kasbiga fidoiy olimlardan biri Isroiljon Po’latovdir.