Ushbu tezisda bo‘lajak boshlang‘ich ta’lim o‘qituvchilarining metakompetentligini rivojlantirish muammosining ilmiy-nazariy asoslari yoritilgan. Zamonaviy ta’lim sharoitida pedagogning kasbiy bilim va ko‘nikmalari bilan bir qatorda, o‘z faoliyatini tahlil qilish, mustaqil qaror qabul qilish, muammoli vaziyatlarni hal etish hamda o‘z kasbiy rivojlanishini rejalashtirish qobiliyatlarini shakllantirish muhim ahamiyat kasb etadi. Shu nuqtayi nazardan, metakompetentlikning mazmuni, uning bo‘lajak o‘qituvchilar kasbiy tayyorgarligidagi o‘rni va uni rivojlantirish imkoniyatlari tahlil qilinadi. Shuningdek, «Pedagogik mahorat» fanining talabalarda refleksiv fikrlash, o‘z-o‘zini baholash va pedagogik faoliyatni takomillashtirish ko‘nikmalarini rivojlantirishdagi imkoniyatlariga e’tibor qaratiladi. Metakompetentlikni rivojlantirishga yo‘naltirilgan ta’lim jarayonini takomillashtirish bo‘yicha ilmiy-metodik tavsiyalar ilgari suriladi.