Bugungi kunda maktabgacha ta’lim bolaning keyingi ta’lim bosqichlariga tayyorgarligini ta’minlaydigan muhim pedagogik tizim sifatida qaralmoqda. Maktabga tayyorgarlik faqat bolaning ayrim bilim va ko‘nikmalarni egallashi bilan chegaralanmay, uning mustaqil faoliyatga kirishishi, muloqot qilishi, o‘z xatti-harakatlarini boshqarishi, topshiriqni tinglashi va bajarishi, yangi ijtimoiy muhitga moslashishi hamda ta’lim faoliyatiga ijobiy munosabat hosil qilishi bilan belgilanadi. Shu sababli maktabga tayyorlash jarayonida MTTning pedagogik faoliyati bilan bir qatorda oilaning tarbiyaviy imkoniyatlarini ham yagona maqsad asosida birlashtirish muhimdir.