Jismoniy tarbiya darslaridan ko‘zlangan asosiy maqsadlardan biri o‘quvchilarning jismoniy tayyorgarligini rivojlantirishdan iborat. Bu maqsadga erishish uchun dars jarayonlarida turli hil vositalar, usullar va shakllardan foydalaniladi. Bugungi kunda fan texnikaning rivojlanishi va insonlarning turmush madaniyati o‘zgarishi natijasida ushbu komponentlarga turli hil talablar qo‘yilmoqda. Jismoniy tayyorgarlikni takomillashtirish masalalari ko‘plab olimlar tomonidan o‘rganilgan bo‘lib, tayyorgarlikning turli jihatlarini tadqiq etganlar. Biroq, shunga qaramay hozirga qadar darslarni o‘tkazishda o‘qituvchilar tomonidan ko‘plab kamchiliklarga yo‘l qo‘yilmoqda. Ayniqsa, o‘quvchilarning somatotip ko‘rsatkichlarini hisobga olish asosida darslarni tashkil etishda ko‘plab xatolarga duch kelinmoqda