Zamonaviy ta’lim tizimida har bir o‘quvchining individual imkoniyatlari, ta’limiy ehtiyojlari va shaxsiy rivojlanish xususiyatlarini inobatga olgan holda ta’lim-tarbiya jarayonini tashkil etish muhim pedagogik vazifalardan biri hisoblanadi. Ayniqsa, intellektual rivojlanishida o‘ziga xos xususiyatlarga ega bo‘lgan boshlang‘ich sinf o‘quvchilarining ta’lim jarayonida faol ishtirokini ta’minlash, ularni ijtimoiy muhitga moslashtirish, mustaqil harakat qilish va muloqotga kirishish ko‘nikmalarini rivojlantirish maxsus pedagogikaning dolzarb masalalaridan biridir.